Функционален Фитнес
Што е Функционален Фитнес?
Функционалниот фитнес е тренинг што го подготвува телото за реални, секојдневни движења – седење, подигање, вртење, туркање. Се базира на вежби кои активираат повеќе мускулни групи истовремено и ја подобруваат мобилноста, балансот, јачината и координацијата. Наместо изолирани движења, тука секој тренинг има практична цел. Подеднакво е корисен за спортисти и почетници – бидејќи го прави телото функционално, здраво и подготвено за живот.
CrossFit
CrossFit е високоинтензивен функционален тренинг кој комбинира елементи од тежинско кревање, кардио, гимнастика и вежби со телесна тежина. Секој тренинг е различен и се изведува во кратки, интензивни интервали (WOD – Workout of the Day).
Целта е развој на сила, издржливост, експлозивност и ментална дисциплина. CrossFit е идеален за оние што сакаат предизвик, енергија и напредок, без монотонија – секој ден носи ново искуство.
BodySculpt
BodySculpt е обликувачки тренинг што се фокусира на дефинирање и тонирање на мускулите преку контролирани вежби со мали тегови, ластици, топки и сопствена тежина. Тренингот го активира целото тело, особено стомачните мускули, задникот, бутовите и рацете.
BodySculpt не е насочен кон маса, туку кон елегантен и цврст изглед. Идеален е за оние што сакаат видливи резултати, но со контролирано темпо и акцент на прецизност.
Circuit Training
Кружниот тренинг е ефикасна фитнес метода што комбинира неколку различни вежби во последователни станици, изведени со кратки паузи. Се работи на кардио, сила, рамнотежа и издржливост во само една сесија.
Темпото е умерено до високо, а форматот лесно се адаптира според ниво на кондиција. Кружниот тренинг е идеален за брзи резултати, согорување калории и подобрување на целокупната форма, без рутина или досада.
Total Body Workout
Total Body Workout е функционален тренинг што го активира целото тело преку вежби за сила, кардио и мобилност. Се користат различни реквизити (тегови, ластици, топки) и сопствена телесна тежина, со цел да се работи на мускулна издржливост, тонирање и телесна трансформација.
Вежбите се внимателно комбинирани за да се опфати секоја мускулна група и да се постигне целосен фитнес ефект. Погоден е и за почетници и за поискусни вежбачи.
Hyrox
HYROX тренингот е динамичен и функционален тренинг што комбинира трчање, сила, издржливост и функционални вежби во една целина. Тренингот вклучува движења како туркање и влечење товар, исчекори, носење тежини, веслање и други функционални задачи кои го активираат целото тело.
Програмата е одлична за подобрување на кардиоваскуларната кондиција, сила, експлозивност, издржливост и физичка подготвеност. Интензитетот и оптоварувањето можат да се приспособат според нивото на вежбачот, па HYROX концептот може да се користи и за рекреативци и за оние кои сакаат да се подготват за HYROX натпревар
Ultimate Bag Workout
Ultimate Bag Workout е високоинтензивен тренинг каде што се користи боксерска вреќа за изведба на удари и функционални вежби. Комбинира кардио, сила и издржливост во една сесија, активирајќи ја целата мускулатура.
Работи на експлозивност, стабилност, фокус и контрола. Се користи сопствена телесна тежина и отпор од вреќата за да се добие ефективен и забавен тренинг. Овој формат е идеален за оние што сакаат моќен тренинг со јасна цел и резултат.
Персонални тренинзи
Заинтересирани сте за часови со персонален инструктор?
Сакате целосно индивидуално внимание или приватност?
Јавете ни се или напишете ни порака и ќе ви одговориме во најбрз можен рок.
+389 71 968 582
